நித்தமும் இடுகிறாய்
பல இடங்களில்
பல வகையான முத்தங்களை
அவசரத்திற்கு சில
ஆசுவாசத்திற்கு சில என
சில பிடிக்கவும்தான் செய்கின்றன
சில முரண்பட்டு கிடக்கின்றன
பிடிக்காவிட்டாலும் தொடர்கின்றன
எத்தனையோ இணக்கங்கள் நமக்குள்
ஒவ்வொரு நாளும் நானே தேர்வு செய்து
கொள்கிறேன்
எனக்கு விருப்பப்பட்ட ஒரு முத்தத்தை
எதுவுமே இயல்பானதாய் இல்லை
முதன்முதலில் நீ முத்தமிட்டபோது
உனக்குள் காதலையும்
எனக்குள் வெட்கத்தையும் ஊற்றிய
அந்த
ஒரு மிடறு முத்தத்தைப் போல
No comments:
Post a Comment
Note: only a member of this blog may post a comment.